Девојката со ледено срце

Времето не се враќа, како и шансите. Ако денес имаш прилика да се искачиш до врвот, утре ќе добиеш карта за безбедно да отпатуваш до дното. Еден момент имаш крилја за да полеташ, а само во следниот момент ти си беспомошен ангел со скршени крилја. Ти стоиш на исто место, а луѓето се менуваат. Се издигнуваат и спуштаат, а те бараат зависно од нивната состојба. Кога се горе те понижуваат, а кога се долу те благословуваат. Не им верувај. Зграпчи го новиот ден со целосна дланка и искористи ги максимално сите нови шанси. Надополни го она што го пропушти и поправи го она во кое сметаш дека си погрешил. Упорноста секогаш се исплаќа. Пријателите остануваат секогаш или исчезнуваат засекогаш. Секој избор е твоја предност. Лошиот избор е само добро искуство. Запомни ја својата вредност и не дозволувај нечии постапки да те омаловажат пред сопствените очи. Животот е само една голема лекција. Можеби е најстрогиот учител, но секогаш те тера да положиш со вредна оцена. Единственото што ти останува е ...

Луда главо, остави ги нив. Доста се преоптоваруваш која е поубава од тебе, која носи подобра облека, понападна шминка или поскап накит. Не се споредувај со нив. Некоја од другите девојки сигурно ќе ме погледне, ќе ми додели насмевка или поздрав. Јас тебе никогаш не би те заменил. За мене најубава си ти, карактерот е твојата совршена облека, среќата најдобра шминка, а очите најблескав накит. Цел женски род собран заедно не може да ја има твојата вредност во моето срце. Затоа, пушти ги. Не им докажувај дека сум твој. Јас им докажувам дека си моја. -Кристина Цонкинска, 2014

Среќна сум со него. Значи, како да ти кажам, со него имам се’. Бескрајното внимание го насочува целосно кон мене како прецизен часовник кој го потенцира точното време, неизмерната љубов ми ја точи како чаша вино, а среќата ми ја сервира како десерт после ручек. Знае да ми додели прегратка тогаш кога ми е најпотребна, да молчи кога не ми се зборува, да измами насмевка на моето лице после пролеаните солзи. Сите мои желби ги обелоденува уште пред да ги помислам. Никогаш не побарал да се променам, ме љуби во целост. Ги обожава сите мои маани и ги учи на памет моите вредности. Како можам да се пожалам? Тој е мојот херој, мојот спасител кој ме научи како изгледа вистинската љубов. Тој е мојот џентлмен кој никогаш не би го изневерила, ниту би го заменила. Се’ ќе беше совршено да не постоеше еден мал проблем. Тој не е ти. Не е арогантен дрдорко кој бега од грешките и очекува сами од себе да се поправат. Не е мангуп кој сака да докаже дека може да има две девојки истовремено само за да биде во...

Како да го објаснам она што го почувствував првиот момент кога го видов твојот лик. Како долго да те чекав, а ти се појави толку брзо и ги надмина сите мои стравови кои досега се сокриваа во моето срце, ја руши сантата мраз која го заробуваше моето тело. Откако ги здогледав твоите очи полни со надеж, откако ја почувствував топлината на твојата прегратка врз мене започнав да верувам дека навистина е возможно да се живее релноста во подобра верзија од соништата. Твојата грижа и нежност кои ги добив уште од првиот миг,кога бевме само двајца странци во темнината од една ноќ кои после еден бакнеж се чувствуваа како само тие да постојат во светот. Кога нашиот свет почна да се состои од мене и од тебе. Од НАС. Од тогаш се сменија нашите животни биографии. Мојата биографија почна да се пишува со твојот ракопис, ракопис со кој ти ми се врежа длабоко под кожата и успеа да ме направиш да бидам твоја во целост. Бевме само среќни. Сакавме се да пробаме, да откриваме тајни скривалишта на младоста д...

Ми се кине срцево, а јас се смешкам. Најдобро е така, да молчам, да собирам во себеси, а да глумам дека се' е во ред. Да те гледам како припаѓаш на други и да се чувствувам немоќна да сторам било што. А и што друго би можела? Да се отворам пред човекот кој не знае да сака? Да ти ја дадам душава која ќе ја стуткаш како парче хартија и да останам поразена? Не сум слаба. Не одбив да се борам. Само прифатив дека битката за тебе секако ќе ја загубам, на овој или оној начин. Одбрав да останам ранета наместо смртно повредена. -Кристина Цонкинска, 2014

Не се навикнувај да го слушаш неговиот глас. Не се приспособувај да припаѓаш во неговата прегратка. Не дозволувај тој да стане единствената личност која може да те расплакува и смирува. Немој. Нека не е твојата причина за насмевка и среќа. Бидејќи тој ќе замине. Ќе те остави и повреди. А на крај ќе те заборави. Само насмевни се, преправај се дека му веруваш и оди си. Се' во животот е пролазно, а зошто пак тој да не е !? -Кристина Цонкинска, 2014

Кога таа другата те крадеше од мене, и' дозволив. По некое правило знаев дека вистинскиот маж не дозволува да биде украден. Мажот кој вистински љуби, љуби само една. Неа немаше потреба да и' докажувам дека си мој, бидејќи тоа беше твоја работа. Но од тебе добив само добра лекција во животот. Прво, дека не си вистински маж -туку си сега украден маж. Маж без вредност! Второ ја спасив главата од лажна љубов. Некогаш имам многу среќа. Бог ме остава само да се сопнам и исправам, но не и да паднам. А ти веќе падна во очите на девојката која ти поклони вистинска љубов. Не грижи се за мене, грижи се за таа која е сега покрај тебе. Јас сум силна, пази ја неа да не се скрши кога ќе се предадеш на некоја трета. -Кристина Цонкинска, 2014

Затоа што те имам тебе,се имам конечно себеси онаква каква што само ти умееш да ме направиш. Со врела насмевка и очи полни надеж, со расширени раце кои живеат за денот кога ти ќе ми дојдеш да ја пополниш другата половина на мојата празна прегратка. Затоа што те имам тебе, ги имам оние повици доцна во ноќта кои молат за да го слушнат твојот глас. Имам милион нежни зборови од кои ми се растреперува срцево и кои ме прават да се чувствувам дека сум потполно твоја. А оние моменти кои ги поминувам со тебе, оние денови од кои се состои нашиот таен мозаик на совршенството, ги искористуваме најдобро што умееме. Се надополнуваме еден на друг и впиваме што е можно повеќе, за да останеме сеуште блиски дури и кога километри не’ раздвојуваат. Бидејќи сум само твоја, со тебе го замислувам секој сегмент од мојот живот. Со тебе летам без крилја, заради тебе трпам порази на моја глава и се’ кршам, а ти си единствениот чија подадена рака ме крева на нозе и ми покажува колку е убав светот кога некој те с...